Хацеў напісаць «мары», але не веру, што гэтыя мары здолею ажыццявіць. Мара — гэта фантазія плюс хаця б нейкі намёк на імкненне і плюс хаця б каліва надзеі на яе ўвасабленне. Ні імкнення, ні спадзеву не маю — значыць, проста фантазёрства.
Прыдбаць бы такую нерухомасць (прадае ж часам дзяржава закінутыя аб'екты), абуладкаваць у ёй летнюю рэзідэнцыю і папіваць гарбатку, сузіраючы з вышыні ваколіцы ды снуючы думкі пра вечнае. Наразважаўшыся — папісваць што-небудзь лірычнае ці філасофскае.
 |
| Унутры гэтай вежы. |
На жаль, ніхто паблізу ад мяне не прадае. А прадаваў бы — грошай лішніх не маю. А ўзбіўся б — не ўпэўнены, што адважыўся б гэтак выдурніцца ўсім на забаву.
Але было б добра.
© Сяргей Абрамовіч, 2026